Teriyaki Kjúklinganúðlur með spergilkáli, chili og sesamfræjum

Teriyaki Kjúklinganú með spergilkáli, chili og sesamfræjum

Setjið vatn í pott sem rúmar sigti og náið upp suðu

Skerið spergilkál í bitastærðir, sneiðið vorlauk (geymið grænasta partinn til að toppa réttinn með), skerið gulrætur í strimla, sneiðið chili.

Skerið kjúklingalæri í munnbitastærðir og setjið í skál með olíu og salti. Blandið vel saman.

Setjið spergilkálið í sigti svo auðvelt sé að ná því úr pottinum. Setjið í pottinn með sjóðandi vatninu og sjóðið spergilkálið í 2-3 mín. eða þar til bitarnir eru orðnir mjúkir undir tönn en þó með smá biti. Haldið suðunni á vatninu því núðlurnar fara út í það í skrefi 6.

Hitið olíu á pönnu við frekar háan hita og steikið kjúklinginn þar til hann er fallega brúnaður og fulleldaður. Þetta skref gæti verið best að gera í skömmtum. Lækkið hitann á pönnunni í miðlungshita.

Bætið núðlunum út í pottinn með sjóðandi vatninu og sjóðið í 2-3 mín. Notið gaffal til að losa núðlurnar varlega í sundur og sigtið vatnið svo frá.

Bætið öllum kjúklinginum aftur út á pönnuna ásamt spergilkáli, sneiddum vorlauk, gulrótum og chili. Steikið í smástund og bætið svo teriyaki sósu út á pönnuna.

Bætið núðlum út á pönnuna og blandið vel saman þar til allt er vel hulið sósu. Toppið að lokum með sesamfræjum og vorlauk.

Berið fram teriyaki kjúklinganúðlur með spergilkáli, chili og sesamfræjum.